सत्तारुढ गठबन्धन दल सम्बद्द विद्यार्थी संगठनहरुले राष्ट्र बैंकका गभर्नर महाप्रसाद अधिकारीको बर्खास्तीको माग गर्दै पाँच दिने चरणबद्द आन्दोलनको घोषणा गरेका छन्।
नेपाली कांग्रेस सम्बद्द नेविसंघ, नेकपा माओवादी केन्द्रको अखिल क्रान्तिकारी र एकीकृत समाजवादीको अनेरास्ववियूले संयुक्त रुपमा जारी गरेको विज्ञप्तिमा गभर्नर अधिकारी उर्फ एम अधिकारीले राष्ट्र बैंक ऐन २०५८ को बर्खिलाप पदमा रहेर कानुनको धज्जी उडाएको र प्रतिपक्ष दलको सदस्यता लिएर मुलुकको अर्थतन्त्र ध्वस्त पार्न शक्रिय रहेको दावी गर्दै सरकार समक्ष गभर्नर अधिकारीलाई बर्खास्त गर्न माग गरेका छन्।
उनीहरुले गभर्नर बर्खास्तीको माग गर्दै घोषणा गरेको चरणबद्द आन्दोलन अन्तर्गत,
श्रावन ३ गते प्रधानमन्त्री र सभामुखलाई ज्ञापन पत्र बुझाउने, ४ गते राष्ट्र बैंकको केन्द्रीय कार्यालय र देशभरिका कार्यालयमा कालो ब्यानर राख्ने ,५ गते प्रज्ञा भवनको डबलीमा कार्टुन प्रदर्शन र अन्तर्क्रिया कार्यक्रम गर्ने, ६ गते देशभरका कलेजमा विरोध प्रदर्शन गर्ने र ७ गते संघिय संसद सदस्यहरुलाई गभर्नर बर्खास्तीको माग गर्दै संसदमा आवाज उठाउन अनुरोध गर्ने घोषणा गरेका छन् ।
![press release on governor resignation](https://nepalrastriyadainik.com/wp-content/uploads/2022/07/press-release-on-governor-resignation-513x726.jpg)
आफ्नो प्रतिक्रिया दिनुहोस्