चिनियाँ सेनाद्वारा अमेरिकालाई चेतावनी

  • नेपाल राष्ट्रिय दैनिक
  • ३ श्रावण २०७९, मंगलवार ०५:०४
tan kefei chiina army colonel

अमेरिकाले ताइवानसँग ठूलो हतियार सम्झौतालाई अनुमोदन गरेपछि बेइजिङले आफ्नो ‘क्षेत्रीय अखण्डता’ को रक्षा गर्ने वाचा गर्दै, अमेरिकालाई ताइवानसँगको हतियार सम्झौता रोकेर सैन्य सम्बन्ध तोड्न चेतावनी दिएको छ।

बेइजिङमा परराष्ट्र र रक्षा मन्त्रालयले एक विज्ञप्ति जारि गर्दै बाइडेन प्रशासनले ताइवानलाई नयाँ अमेरिकी हतियार बिक्री गर्ने सम्झौताको निन्दा गरेको छ।१०८ मिलियन अमेरिकी डलर बराबरको सो सम्झौतामा बख्तरबंद सवारी साधन र प्राविधिक सहयोग समावेश गरिएको छ।

अमेरिकाले ताइवानलाई हतियार बिक्रीको योजना तुरुन्त फिर्ता लिँदै अन्य सबै हतियार सम्झौताहरू रोकेर सैन्य सम्बन्ध नातोडेको खण्डमा, चीन र अमेरिका र दुई देशको सेनाबीचको सम्बन्ध र ताइवानको शान्ति र स्थायित्वलाई कमजोर बनाउने र यसको सम्पूर्ण जिम्मेवारी अमेरिकाले लिनुपर्ने चिनिया रक्षा मन्त्रालयका प्रवक्ता कर्नल तान केफेईले बताएका छन्।

चिनियाँ जनमुक्ति सेनाले, राष्ट्रिय सार्वभौमसत्ता र क्षेत्रीय अखण्डताको दृढताका साथ रक्षा गर्न र ‘ताइवान स्वतन्त्रता’ को लागि कुनै पनि प्रकारको बाह्य हस्तक्षेप र पृथकतावादी प्रयासहरूलाई दृढताका साथ विफल पार्न हरेक उपाय अपनाउन तयार रहने चेतावनी दिंदै ताइवान वरपर आफ्नो समुद्री र हवाई सैन्य गतिविधिलाई थप बढाएको छ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५