सम्बन्ध पुनर्निर्माण गर्न साउदी अरेबिया पुगेका अमेरिकी राष्ट्रपति जो बाइडेनले साउदी युवराज मोहम्मद बिन सलमानसँगको भेटमा पत्रकार जमाल खशोग्गीको हत्याको विषय उठाएको बताएका छन् ।

टर्कीको इस्तानबुलमा रहेको साउदी वाणिज्य दूतावासमा अक्टोबर २०१८ मा पत्रकार खशोग्गीको हत्यापछि अमेरिकी गुप्तचर एजेन्सीहरूले युवराज मोहम्मद बिन सलमानलाई हत्याकोआरोप लगाएका थिए।

खशोग्गीको हत्या बाहेक, राष्ट्रपति बाइडेनले, साउदी अरबसंग बजारमा तेलको आपूर्ति बढाउने विषयमा छलफल भएको र साउदी अरेबियाले इजरायल जाने र आउने विमानहरूलाई लगाएको हवाई प्रतिबन्ध पनि फुकुवा गर्ने घोषणा गरेको बताइएको छ।