संघीय संसद (प्रतिनिधि सभा) को उपसभामुख पदका लागि आज दिउँसो ३ बजे मतदान गर्ने कार्यतालिका रहेको छ।

२०७६ साल माघ ६ गते तत्कालीन उपसभामुख शिवमाया तुम्बाहाङ्फेले राजीनामा दिएपछि खालि रहेको उपसभामुख पदको लागि नेपाली कांग्रेसकी पुष्पा भुसाल र नेकपा एमालकी विद्या भट्टराईले उम्मेदवारी दर्ता गराएका छन्।

प्रतिनिधि सभामा अहिले २ सय ७१ सांसद संख्याको आधारमा उपसभामुखमा निर्वाचित हुनको लागि तत्काल कायम रहेको सङ्ख्याको बहुमत अर्थात १ सय ३६ मत आवश्यक पर्ने देखिन्छा। सत्ता गठबन्धनमा नेपाली कांग्रेसका ६१, माओवादी केन्द्रका ४०, एकीकृत समाजवादीका २३, जनता समाजवादी पार्टीका २० र राष्ट्रिय जनमोर्चाका सांसद गरेर १ सय ५४ जना सांसद रहेका छन् भने नेकपा एमालेको ९८ जना सांसद रहेका छन् ।