राष्ट्रियसभाका सदस्य तथा पूर्व उपप्रधानमन्त्री वामदेव गौतमले एक साताभित्र राष्ट्रियसभाको उपाध्यक्षको निर्वाचन गराउन सभामुख गणेशप्रसाद तिमिल्सिनालाई आग्रह गर्नुभएको छ।
सांसद गौतमले राष्ट्रिय सभाअन्तर्गतको दिगो विकास तथा सुशासन समिति, विधायन व्यवस्थापन समिति र प्रत्यायोजित व्यवस्थापन तथा सरकारी आश्वासन समितिको अध्यक्ष तत्काल टुंगो लगाउन सभामुख तिमिल्सिनाको ध्यानाकर्षण गराउनुभएको छ।

राष्ट्रियसभाका ४ मध्ये ३ समिति नेतृत्वविहीन रहेको उल्लेख गर्दै उनले अध्यक्ष तिमिल्सिनाले तत्काल व्यवस्था गर्न ध्यान नदिए आन्दोलनमा जान बाध्य हुने चेतावनी समेत दिए ।

वरिष्ठ सदस्यका रुपमा सांसद गौतमले दिगो विकास तथा सुशासन समितिको वार्षिक प्रतिवेदन संसदमा प्रस्तुत गर्नुभएको थियो।