तत्कालीन उपसभामुख शिवमाया तुम्बाहम्फेले राजीनामा दिएपछि झण्डै चार वर्षदेखि रिक्त रहेको संघीय संसद, प्रतिनिधि सभाको उपसभामुख पदको लागि निर्वाचन हुने भएको छ।

आज बस्ने प्रतिनिधि सभाको बैठकमा, प्रतिनिधि सभा नियमावली २०७५ को नियम ८ बमोजिम सभामुखले उपसभामुख पदको लागि दिन र समय तोक्ने कार्यसूची समावेश गरिएको छ।
सभामुख र उपसभामुख एउटै पार्टीको हुन नहुने कानुनि प्रावधान अनुसार अब उपसभामुख माओवादी बाहेक अन्य कुनै दल बाट हुनुपर्नेछ। त्यसैगरी, सभामुख र उपसभामुख पद मध्ये कुनै एक पदमा महिला रहनुपर्ने प्रावधान पनि संबिधानले व्यवस्था गरेको छ।