प्रतिनिधि सभाको ३९ औँ बैठक बुधबार बिहान ११ बजे संसद भवन बानेश्वरमा बस्ने भएको छ।

प्रतिनिधि सभाको बुधबारको बैठकमा सम्भावित कार्यसूचीमा १० वटा विषयमा छलफल गरिने प्रतिनिधिसभाको सचिव गोपालनाथ योगीले जानकारी गराउनुभएको छ। सम्भावित कार्यसूचीमा गृहमन्त्री बालकृष्ण खांडले नेपाल नागरिकता (पहिलो संशोधन ) विधेयक २०७९ प्रस्तुत गर्ने कार्यक्रम रहेको छ।

गृहमन्त्रीले सो विधेयक प्रस्तुत गर्नुअघि नागरिकता विधेयकमा नेकपा एमालेका शेरबहादुर तामाङ र भीम रावल तथा नेपाल मजदुर किसान पार्टी (नेमकिपा)का प्रेम सुवालले दर्ता गराएको विरोधको सूचनालाई निर्णयार्थ प्रस्तुत गर्ने कार्यसूची रहेको छ।