माध्यामिक शिक्षा परीक्षा (एसईई) को नतिजा श्रावणको पहिलो हप्ता सार्वजनिक हुने भएको छ ।

असार मसान्तभित्र नतिजा सार्वजनिक गर्ने तयारि गरिरहेको परीक्षा नियन्त्रण कार्यलयले उत्तरपुस्तिका संकलनमा ढिला भएको भन्दै श्रावणको पहिलो हप्ता परीक्षाको नतिजा सार्वजनिक गर्ने भएको छ।यसअघि राष्ट्रिय परीक्षा बोर्डले प्रदेश मातहत रहेर नतिजा सार्वजनिक गर्ने भनिएपनि प्राविधिक कारण यस पटक केन्द्रले नै नतिजा सार्वजनिक गर्ने भएको छ।

वैशाख ९ गतेदेखि २० गतेसम्म सञ्चालन भएको एसईईको उत्तरपुस्तिका देशभरका ५६ परीक्षण केन्द्रहरु र जापानबाट एसईई परीक्षा दिएका विद्यार्थीको उत्तरपुस्तिका पनि संकलन गरि सानोठिमीस्थित परीक्षा नियन्त्रण कार्यालयमा जम्मा भैसके पनि परीक्षा नियन्त्रण कार्यालय जानकारी दिएको छ।