उपेन्द्र यादव र डा. बाबुराम भट्टराईको आन्तरिक मतभेदका कारण जनता समाजवादी पार्टी यतिबेला फुटको संघारमा पुगेको छ।

संघीय समाजवादी फोरम र नयाँ शक्ति पार्टीबीच २०७६ साल बैशाख मा भएको एकतापछि स्थापित समाजवादी पार्टी, २०७७ साल बैशाखमा पुन:राष्ट्रिय जनता पार्टीसँग एकता गरेर बनेको जनता समाजवादी पार्टी यतिबेला फुटको संघारमा आइपुगेको छ। पार्टीका नेता उपेन्द्र यादव र डा. बाबुराम भट्टराईले आज छुट्टाछुट्टै केन्द्रिय समितिको विस्तारित बैठक आहवान गरेका छन्।

उपेन्द्र यादव पक्षले आजदेखि पर्साको वीरगञ्जमा केन्द्रीय समितिको विस्तारित बैठक बोलाएका छन् भने भट्टराई पक्षले पनि आज नै काठमाडौंको जडिबुटी समानान्तर रुपमा केन्द्रीय समितिको विस्तारित बैठक बोलाएका छन्। अशोक राई, राजेन्द्र श्रेष्ठ लगायतका नेताहरुसहित विरगंज पुगेका उपेन्द्र यादवले भट्टराई पक्षको बैठक विधान विपरीत भएको र आफ्नो बैठक नै पार्टीको आधिकारिक बैठक भएको दाबी गरेको छ ।