बाजुराको बुढीगंगा नगरपालिकाको प्रमुख र उपप्रमुख दुवै पदमा नेकपा एमालेका उम्मेदवारको विजय भएको छ।

नगरपालिकाको प्रमुखमा नेपाली काँग्रेसका रंगबहादुर खातिलाई पराजित गर्दै एमालेका रामबहादुर बानियाँ ४७७७ मत सहित विजयी भएका छन्। उनका प्रतिस्पर्धी खातीले भने ३७७४ मत प्राप्त गरेका छन्।

त्यसैगरी, नगरपालिकाको उपप्रमुखमा नेपाली काँग्रेसकी रिता शाहीलाई पराजित गर्दै एमालेकी मायाकुमारी खड्का ४७२७ मत सहित विजयी भएकी छन्। साहीले भने ३७५५ मत प्राप्त गरेकी छन्।

नगरपालिकाको १, २, ३, ५, ६, ९ र १०नम्बर वडामा एमालेले प्यानल सहित विजय हाँसिल गरको छ भने ४,७ र ८ नम्बर वडामा काँग्रेस विजयी भएको छ।

वैसाख ३० गतेको निर्वाचनमा धाँधली भएपछी सो नगरपालिकामा असार २३ गते पुन: निर्वाचन गरिएको थियो। १३ हजार ६५९ मतदाता रहेको बुढीगंगामा ९ हजार १२८ मत खसेको थियो ।