गोली प्रहारबाट घाइते भएका जापानका पूर्वप्रधानमन्त्री सिन्जो आबेको निधन भएको छ। घाइते आबेको उपचारका क्रममा अस्पतालमा निधन भएको हो।

पश्चिमी जापानको नारा सहरमा भएको सार्वजनिक कार्यक्रममा सम्बोधन गर्ने क्रममा पूर्वप्रधानमन्त्री आबेमाथि २ राउण्ड गोलि प्रहार भएको थियो। नारा मेडिकल युनिभर्सिटीमा भर्ना गरिएको पूर्वप्रधानमन्त्री आबेको उपचारको क्रममा अस्पतालमा नै निधन भएको हो।
तेत्सुया यामागामी नाम गरेका ४२ वर्षीय आक्रमणकारीलाई भने प्रहरीले पक्राउ गरेर अनुसन्धान थालेको छ ।
आबे सन् २०१२ देखि २०२० सम्म जापानको प्रधानमन्त्रीको रुपमा रहेका थिए। सत्तारुढ लिबरल डेमोक्र्याटिक पार्टीका प्रभावशाली नेता आबेले सन् २०२० मा प्रधानमन्त्री पदबाट राजिनामा दिएका थिए।