फ्रेन्च राष्ट्रपति इमानुएल म्याक्रोन र रुसी राष्ट्रपति भ्लादिमिर पुटिनबीचको टेलिफोन वार्ता लिक भएको छ।

रुसका परराष्ट्र मन्त्रि सर्गे लाभरोभले फ्रेन्च राष्ट्रपति इमानुएल म्याक्रोन र रुसी राष्ट्रपति भ्लादिमिर पुटिनबीचको टेलिफोन वार्ता लिक गर्नु “कूटनीतिक शिष्टाचार” को उल्लंघन भएको बताएका छन्।

कूटनीतिक मर्यादाक्रममा त्यस्ता रेकर्डिङ गरिएको वार्ता एकपक्षीय रुपमा सार्वजनिक गर्नुहुन्नथ्यो भन्दै, लाभरोभले दुई नेताबीचको वार्तालापको विषयवस्तुबाट रुसलाई लाज मान्नु पर्ने कुनै पनि कुरा नभएको बताएका छन् ।

फ्रेन्च राष्ट्रपती म्याक्रोनले द्वन्दलाई कसरी व्यवस्थापना गरिरहेछन भन्ने देखाउन ब्रोड्कास्टर फ्रान्स २ ले तयार गरेको डकुमेन्ट्रीमा, मस्कोले युक्रेनमा सैन्य आक्रमण गर्नुभन्दा एक दिन अघिको सो गोप्य फोन वार्ता सार्वजनिक गरेको थियो ।