आर्थिक वर्ष २०७९/८० को बजेट प्रस्तुत गरेपछि अवरुद्ध हुँदै आएको मधेश प्रदेश सभाको बैठक लोकतान्त्रिक समाजवादी पार्टी (लोसपा)ले आज पनि अवरुद्ध गरेको छ ।

अर्थमन्त्री शैलेन्द्र साहले आफ्नो गृह जिल्ला सप्तरीमा अवैधानिक तरिकाले २० करोड रुपैयाँ दिएको भन्दै लोसपाका सांसदहरुले बैठक अवरुद्ध गरेका हुन्। अर्थमन्त्रि साहले भने आफुले भौतिक पूर्वाधार तथा यातायात मन्त्रालयको निर्णय बमोजिम बाढीको चपेटामा रहेको सप्तरीको लागि प्रक्रिया पुराएरनै बजेट विनियोजन गरेको बताएका छन्।

लोकतान्त्रिक समाजवादी पार्टीका सांसदहरुले भने अर्थमन्त्रीको भनाइ चित्तबुझ्दो नभएको भन्दै सो विषयको छानविन गर्न संसदीय समिति नबनाइएसम्म बैठक अवरुद्ध गर्ने बताएका छन्।