जनता समाजवादी पार्टीले सरकारमा रहेका आफ्नो पार्टीको पुराना मन्त्रीहरु फिर्ता गर्नेगरी नयाँ मन्त्रीहरुको नाम सिफारिश गरेपछि प्रधानमन्त्री शेरबहादुर देउवाले मन्त्रिपरिषद पुनर्गठन गर्नुभएको छ।

राष्ट्रपति कार्यालयले नेपालको संविधानको धारा ७६ को उपधारा ९ तथा धारा ७८ को उपधारा १ अन्तर्गत प्रधानमन्त्री शेरबहादुर देउवाको सिफारिशमा मन्त्रिपरिषदमा भएको हेरफेरको जानकारी गराएको छ। साथै नव नियुक्त मन्त्रीहरुको सपथ आज दिउँसो ४ बजे हुने पनि राष्ट्रपति कार्यालयले जनाएको छ।

जसपाले आफ्ना मन्त्रीहरु रेणु यादव,महिन्द्रराय यादव र रामसहाय यादवलाई फिर्ता बोलाएर, भौतिक पूर्वाधार तथा यातायात मन्त्रालयमा मोहम्म्द इस्तियाक राई, कृषि तथा पशुपन्छी विकास मन्त्रालयमा मृगेन्द्र कुमार सिंह यादव र वन तथा वातावरण मन्त्रीमा प्रदीप यादवलाई नियुक्त गरिएको छ।