एकीकृत समाजवादी पार्टीले मन्त्रि हेरफेर गरेको हप्ता दिन नबित्दै जनता समाजवादी पार्टी (जसपा)ले पनि सरकारमा रहेका आफ्ना मन्त्रीहरु फिर्ता बोलाउने र नयाँ मन्त्रीहरुलाई सरकारमा पठाउने तयारी थालेको छ।

जसपाका अध्यक्ष उपेन्द्र यादवले हाल सरकारमा रहेका मन्त्रीहरुलाई फिर्ता बोलाएर नयाँ मन्त्रीहरु नियुक्त गरि सरकारमा पठाउने तयारि गरिरहेको जानकारी दिएका छन्। हाल जसपाको तर्फ़बाट सरकारमा , संघीय मामिला तथा सामान्य प्रशासन मन्त्री राजेन्द्र श्रेष्ठ, कृषि तथा पशुपक्षी विकास मन्त्री महिन्द्रराय यादव, भौतिक पूर्वाधार तथा यातायात मन्त्री रेणु कुमारी यादव र वन तथा वातावरण मन्त्री रामसहाय प्रसाद यादव रहेका छन्।
सरकारमा रहेका मन्त्रीहरुलाई फिर्ता बोलाउने तयारि गर्दै गर्दा नयाँ मन्त्रीहरुको रुपमा क- कसलाई सरकारमा पठाउने भन्ने विषयमा भने कुनै टुंगो नलागेको बताइएको छ।