काठमाडौँमा हैजाको विरामी देखिन थालेपछि स्वास्थ्य कार्यालय काठमाडौंले गरेको अध्ययनमा काठमाडौँमा वितरण गरिने जार तथा सरकारी धाराको पानीमा नै झाडापखाला र हैजाको जीवाणु भेटिएको पुष्टि भएको छ।
स्वास्थ्य कार्यालय काठमाडौँले जार तथा बोतलको पानी पनि उमालेर मात्रै पिउन आग्रह गर्दै समयमै सावधानी नअपनाए यसले भयावह स्थितिको सिर्जना हुने बताएको छ।

खाद्य प्रविधि तथा गुण नियन्त्रण विभागको अनुगमनले पनि जारको पानी वितरण गर्ने र प्रशोधन गर्ने उद्योग तथा कम्पनीहरूको पानी सीधै पिउन योग्य नभएको बताएको छ। उपत्यकामा वितरण गरिने पानीको नमुना परीक्षण गर्दा खानेपानीमा झाडापखाला तथा हैजाजन्य जीवाणु भेटिएपछि स्वास्थ्य कार्यालयले उमालेर वा झोल क्लोरिन हालेर मात्र पानि पिउन अनुरोध गरेको छ ।