नेकपाको फुटपछि ओली र नेपाल कतै पट्टि पनि सक्रिय भूमिकामा नलागी न्युट्रल रुपमा बसेका बामदेव गौतमले मंगलबार दिउँसो रिपोर्टर्स क्लबमा पत्रकार सम्मेलन गरि नेपाल कमुनिष्ट पार्टी एकता राष्ट्रिय अभियानको घोषणा गरेका छन्।

विघटन भएको नेकपा/नेपाल कम्युनिष्ट पार्टीलाई पुनर्गठन गर्ने र तत्काल एकताको अवस्था सिर्जना हुन नसके आगामी संघिय र प्रदेश निर्वाचनमा कार्यगत एकता गरेर अगाडि बढ्ने वातावरण सिर्जना गर्ने उद्धेश्यको साथ स्थापना गरिएको नेपाल कम्युनिष्ट पार्टी एकता राष्ट्रिय अभियानमा ७५ सदस्यीय केन्द्रिय कमिटि रहनेछ।

दैनिक कार्य संचालनको लागि १५ सदस्य नबढ्ने गरि स्थायी कमिटि रहनेछ भने बहुपदिय प्रणालीको अवधारणालाई अङ्गीकार गरेको सो पार्टीमा एक अध्यक्ष र हरेक प्रदेशमा इन्चार्जको जिम्मेवारीको लागि ७ उपाध्यक्ष, महासचिव १ , उप-महासचिव १ ,सचिव १ र कोषाध्यक्ष १ जना रहनेछन।बामदेव गौतम आफै संयोजक रहनुभएको केन्द्रिय सचिवालयमा ८ जना सदस्यहरु रहेका छन्।