सरकारले नेपालमा लामो समयदेखि बस्दै आएका शरणार्थीहरुलाई परिचयपत्र दिने तयारी गरेको छ ।

राष्ट्रियसभाको बैठकमा बोल्दै गृहमन्त्री बालकृष्ण खाँणले विगतमा विभिन्न कारणले परिचयपत्र नपाएका शरणार्थीहरुलाई सरकारले परिचयपत्र दिने तयारी गरेको बताउनुभएको छ। यस सन्दर्भमा सरकारले परिचयपत्र पाउन बाँकी शरणार्थीहरु कति छन् र उनीहरुलाई कहिले देखि परिचयपत्र दिने भन्ने बारेमा गृहकार्य गरिरहेको समेत जानकारी दिनुभयो।

विभिन्न काल खण्डमा बिभिन्न भू-भागबाट नेपालमा आएर बसेका शरणार्थीहरुलाई नेपालमा सहज जीवन जिउन सक्नुहोस् भन्ने नै हाम्रो सद्भाव रहेको बताउंदै गृहमन्त्री खाँणले छिट्टै उनीहरुलाई परिचयपत्र उपलब्ध गराउन सरकारले तयारी थालेको बताउनुभएको छ।