आज दिउँसो १ बजे प्रतिनिधि सभाको बैठक बस्ने संघीय संसदका महासचिव डा. भरतराज गौतमले जानकारी दिनुभएको छ।
आजको बैठकमा लोक सेवा आयोग विधेयक २०७५ माथि राष्ट्रिय सभाबाट भएको संशोधन र राष्ट्रिय सभामा उत्पत्ति भएको नीति अनुसन्धान प्रतिष्ठान विधेयक २०७६ मा विचार गरियोस् भनी प्रधानमन्त्री शेरबहादुर देउवाले प्रस्ताव पेश गर्ने कार्यसूची रहेको छ ।

त्यसैगरी वन तथा वातावरण मन्त्री रामसहाय प्रसाद यादवले ग्लोबल ग्रिन ग्रोथ इस्टिच्युटको सहभागीतामुलक सदस्यका रुपमा सदस्यता प्राप्त गर्न स्वीकृति प्रदान गर्ने सम्बन्धी सम्झौतामाथि सामान्य छलफल गरिने कार्यसूची पनि आजको बैठकमा समावेश गरिएको छ।