मोरङका उद्योगी व्यावसायी र मजदुरहरुले अर्थमन्त्री जनार्दन शर्माको राजिनामा माग गर्दै प्रदर्शनमा उत्रिएका छन्।

मोरङ व्यापार संघ, उद्योग संगठन, नेपाल उद्योग परिसंघ , नेपाल ट्रेड युनियन कांग्रेस ,अखिल नेपाल ट्रेड युनियन महासंघ लगायतका औधोगिक संगठन र मजदुरहरुले अर्थमन्त्री शर्माले नीतिगत भ्रष्टाचार गरि व्यापारीहरुसंग कमिसन लिएर सीमित उद्योगलाई संरक्षण गरेको र अन्य उधोगलाई बन्द गर्न बाध्य पार्ने गरि करको दायरा परिवर्तन गरेको भन्दै अर्थमन्त्री शर्मा विरुद्ध प्रदर्शन गरेका हुन् ।

अर्थमन्त्रीको अल्पज्ञानाका कारण धेरै उधोगहरु बन्द हुने अवस्थामा पुगेको र लाखौँ मजदुरहरु बेरोजगार हुने अवस्था सिर्जना भएको भन्दै उनीहरुले नयाँ बजेट व्यवस्थाले सिर्जना गरेको करको दायरा सच्याउन समेत माग गरेका छन्।

अर्थमन्त्रीले राजीनामा नगरेसम्म आन्दोलन जारी राख्ने र शुक्रबार आन्तरिक राजस्व कार्यालय र भन्सार कार्यालय घेराउ गर्ने कार्यक्रम रहेको पनि प्रदर्शनकारी संगठनहरुले जनाएका छन्।