काठमाडौं महानगरपालिकाले श्रावण १ गतेदेखि कुहिने र नकुहिने फोहोर वर्गीकरण नगरी एकै ठाउँमा मिसाएमा कारबाही गर्ने भएको छ ।महानगरपालिकाले फोहोर वर्गीकरण नगरी कुहिने र नकुहिने फोहोर एकै ठाउँमा मिसाउने काठमाडौँवासीलाई श्रावण १ गतेदेखि ५०० रुपैयाँ जरिवाना गर्ने जनाएको छ।

काठमाडौँ महानगरले यसघि सिसडोल र बञ्चेरडाँडा ल्यान्डफिल साइटका प्रभावित स्थानीय बासिन्दासंग स्रोतमै फोहोरको वर्गीकरण गर्नेगरि असार मसान्तसम्मको लागि मात्र यथास्थितिमा फोहोर फाल्न दिने सहमति गरेको थियो। तर श्रावण १ गते देखि स्रोतमा वर्गीकरण नगरिएका फोहोर आएमा ल्यान्डफिल साइटका बासिन्दाले फोहोर फाल्न रोक्ने चेतावनी समेत दिएका छन्।

महानगरपालिकाको वातावरण तथा प्राकृतिक स्रोत संरक्षण ऐन २०७७ को दफा ५१ (थ) र फोहोरमैला व्यवस्थापन ऐन २०६८ को दफा ३८ (थ) को प्रावधानमा रहेर स्रोतमै फोहोर वर्गीकरण नगर्नेलाई कारवाही गर्न सकिने महानगरले जनाएको छ।