स्थानीय तह निर्वाचनका उम्मेदवारले खर्च विवरण नबुझाए कारबाही सिफारिस गर्न निर्वाचन आयोगले सम्बन्धित सबै निर्वाचन कार्यालयहरुलाई निर्देशन दिएको छ ।

निर्वाचन आयोग ऐन २०७३,स्थानीय तह निर्वाचन ऐन २०७३ र स्थानीय तह निर्वाचन नियमावली २०७३ अनुसार निर्वाचनको परिणाम घोषणा भएको ३० दिनभित्र सम्बन्धित जिल्ला वा क्षेत्रीय निर्वाचन कार्यालयहरुमा खर्च विवरण बुझाउनु पर्ने व्यवस्था रहेको र सो व्यवस्था अनुरुप उम्मेदवारहरुले खर्चको विवरण बुझाए नबुझाएको यकिन गरि, विवरण नबुझाउने उम्मेदवारलाई आवश्यक कारवाहीको लागि सिफारिस सहित आयोगमा पठाउन निर्वाचन आयोगले सम्बन्धित सबै निर्वाचन कार्यालयहरुलाई निर्देशन दिएको छ।