नेकपा एमालेका सांसद भीम रावलले बरु सरकारले आफुलाई जेल हालोस तर आफ्नो सवारीमा इम्बोस्ड नम्बर प्लेट नराख्ने बताउनुभएको छ ।

संसदको राज्य निर्देशक सिद्धान्त, नीति र दायित्वको कार्यान्वयन अनुगमन तथा मूल्यांकन समितिको बैठकमा बोल्ने क्रममा नेता रावलले इम्बोस्ड नम्बर प्लेट नराख्ने बताउनुभएको हो। नेपालको संबिधान विपरित अंग्रेजीमा नम्बर प्लेट राख्ने चलखेल गरेको र आर्थिक अनियमितता गरेर बढी शुल्कमा इम्बोस्ड नम्बर प्लेट वितरण गरिएको भन्दै नेता रावलले सरकारको आलोचना गर्नुभएको छ।

यातायात व्यवस्था विभागले साउन १ देखि इम्बोस्ड प्लेट अनिवार्य जडान नगरे कारबाही गर्ने चेतावनी दिएपछि, सो निर्णयको चर्को विरोध गर्दै संसदमै आवाज उठ्न थालेपछि विभाग आफ्नो निर्णयमा लचिलो बन्दै कारवाही गर्ने र श्रावण १ गतेदेखि अनिवार्य जडान गर्नुपर्ने भन्ने निर्णयबाट पछि हटेको थियो।