भिक्टोरिया राज्यले जारि गरेको नयाँ ऐन अन्तर्गत कसैले स्वस्तिक चिन्हको प्रदर्शन गरेको पाइएमा सो व्यक्तिलाई एक वर्ष जेल वा अस्ट्रेलियन डलर २२ हजार जरिवाना हुनेछ।

नाजी प्रतीकले इतिहासको सबैभन्दा घृणित विचारधाराको महिमा दर्शाउने र विरोध प्रदर्शनको क्रममा यसको सार्वजनिक प्रदर्शनले थप पीडा र विभाजन सिर्जना गर्ने भन्दै स्वस्तिक चिन्ह प्रदर्शनमा प्रतिबन्ध लगाएको भिक्टोरियन महान्यायाधिवक्ता ज्याक्लिन साइम्सले बताएका छन्। तर,हिन्दू, बौद्ध र जैन धर्महरुमा यो एक आस्थाको प्रतिक भएकोले ऐतिहासिक, शैक्षिक र कलात्मकताको सन्दर्भमा स्वस्तिक चिन्हको प्रतीक देखाउन छुट भएको पनि उनले बताएका छन्।

2020 मा, अष्ट्रेलियाको गुप्तचर प्रमुखले पनि नव-नाजीहरूबाट देशको सुरक्षामा वास्तविक खतरा भएको चेतावनी समेत दिएका थिए ।