नक्कली लाइसेन्स बनाएको आरोपमा यातायातका तत्कालिन कार्यालय प्रमुख सहित १७ जनाविरुद्ध मुद्दा

  • नेपाल राष्ट्रिय दैनिक
  • ७ असार २०७९, मंगलवार १५:०८
nepali driving license

अख्तियार दुरुपयोग अनुसन्धान आयोगले नक्कली सवारी चालक अनुमति पत्र बनाएको आरोपमा यातायात व्यवस्था कार्यालयका तत्कालिन कार्यालय प्रमुख सम्बर बहादुर कार्की र राजुभाइ कुस्मा सहित १७ जना विरुद्ध भ्रष्टाचारको मुद्दा दायर गरेको छ ।

अख्तियार दुरुपयोग अनुसन्धान आयोगले यातायात व्यवस्था कार्यालय एकान्तकुना र ललितपुरका १२ जना कर्मचारी र ५ जना विचौलियालाई विशेष अदालत काठमाडौँमा मुद्दा दायर गरेको छ। नवीकरण नगरिएका र स्वत: रद्ध भएका सवारी चालक अनुमति पत्रमा किर्ते गरि गैरकानुनी ढंगले ५३३ जना नयाँ व्यक्तिको नाममा लाइसेन्स बनाएर वितरण गरेको भन्दै भ्रष्टाचार निवारण ऐन, २०५९ को दफा ११ बमोजिम अदालतमा मुद्दा दायर गरेको हो।

तत्कालीन कार्यालय प्रमुख सम्बरबहादुर कार्की र राजुभाइ कुस्मा, मेकानिकल इन्जिनियर विजयराज गिरी, सहायक स्तर (पाचौँ) कमल स्याङतान, सिनियर मेकानिक्स अच्युतप्रसाद फुयाल, कम्प्युटर अपरेटर (करार सेवा) प्रकाश कार्की, कम्प्युटर अपरेटर (करार सेवा) रेजु भट्टराई, कम्प्युटर अपरेटर (करार सेवा) रोसन राजभण्डारी, कम्प्युटर अपरेटर (करार सेवा) श्यामसुन्दर चौधरी, कम्प्युटर अपरेटर (करार सेवा) लक्ष्मी श्रेष्ठ, कम्प्युटर अपरेटर (करार सेवा) माया सेठी, कम्प्युटर अपरेटर (करार सेवा) रिचा श्रेष्ठ को विरुद्धमा आयोगले भ्रष्टाचार मुद्दा दायर गरेको हो।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५