आयल निगमले गए राति १२ बजेबाट लागु हुनेगरी पेट्रोलियम पदार्थको मूल्य वृद्धि गरेपछि,सरकारले यसको जवाफ दिनुपर्ने भन्दै एमाले सांसदहरुले संसद अवरोध गरेका छन्।
प्रतिनिधि सभाको बैठकमा प्रमुख प्रतिपक्षी दल नेकपा एमालेले पेट्रोलियम पदार्थको मूल्यवृद्धिबारे सरकारसँग जवाफ माग्दै संसद अवरोध गरेपछि, सभामुख अग्निप्रसाद सापकोटाले पेट्रोलियम पदार्थको मूल्यवृद्धिबारे जवाफ दिन सरकारलाई रुलिङ गरेका छन्। सभामुख सापकोटाले पेट्रोलियम पदार्थको मूल्यवृद्धिबारे सदनसमक्ष सरकारलाई सत्य तथ्य पेश गर्न निर्देश दिनुभएको छ।
आयल निगमले गरेको पेट्रोलियम पदार्थको मूल्य वृद्धि विरुद्ध देशभरका विभिन्न शहरहरुमा प्रदर्शन सुरु भएको छ।
आफ्नो प्रतिक्रिया दिनुहोस्