मलेसियामा जारी एसीसी महिला टी-२० च्याम्पियनसिप अन्तर्गतको तेश्रो खेलमा बहराइनलाई ८ विकेटले पराजित गर्दै नेपालले जित हाँसिल गरेको छ।

किनरारा एकेडेमी ओभलमा भएको खेलमा टस हारेर पहिले ब्याटिङ गरेको बहराइनले निर्धारित ७ ओभरमा ६ विकेट गुमाउँदै १४ रनमा समेटिएको थियो। १५ रनको लक्ष्य लिएर मैदानमा उत्रिएको नेपालले ३ दशमलव ४ ओभरमा २ विकेट गुमाउँदै जित हाँसिल गरेको थियो।
समूह चरणको पहिलो खेलमा भुटानलाई ५० रनले हराएको नेपालले दोस्रो खेलमा कुवेतलाई २५ रनले हराएको थियो।

यो जितसँगै समूह बी मा ३ खेलबाट ६ अंक जोड्दै नेपाल प्रतियोगिताको शीर्षस्थानमा उक्लिँदै सेमिफाइनलमा प्रवेश गरेको छ।