नेपाल आयल निगमले आइतबार रातको १२ बजेदेखि लागु हुने गरि पेट्रोलियम पदार्थको मूल्य पुन वृद्धी गरेको छ ।

निगमले पेट्रोलमा प्रतिलिटर २१ रुपैयाँले र डिजेल तथा मट्टीतेलमा प्रतिलिटर २७ रुपैयाँले मूल्य वृद्धि गरेको हो ।निगमले जारि गरेको नयाँ मूल्य अनुसार अब पेट्रोलको मूल्य प्रति लिटर रु. १९९ र डिजेल तथा मट्टीतेलको प्रतिलिटर रु. १९२ पर्नेछ।

त्यसैगरी निगमले हवाई इन्धनमा आन्तरिक तर्फ १९ रुपैयाँ र बाह्यतर्फ १०० अमेरिकी डलरले मूल्यवृद्धि गरेको छ ।खाना पकाउने ग्याँसको मूल्य भने यथावत रहेको छ।

मूल्य वृद्धि पश्चात पनि निगमलाई मासिक करिब ४ अर्ब ७० करोड घाटा हुने निगमले जनाएको छ।