प्रमुख प्रतिपक्षी दल नेकपा एमालेले अर्थमन्त्री जनार्दन शर्माको राजीनामा माग गर्दै संसद अवरोध गरेको छ।

बजेटमाथि उठेका प्रश्नको जवाफका लागि अर्थमन्त्री शर्मा रोस्टममा उक्लिएपछि एमालेका सांसदहरुले उठेर अवरोध गरेका छन्। विचौलियाको बिचमा बसेर बजेट तय गरेकोले शर्माको जवाफ आफुहरुलाई नचाहिने भन्दै संसदको बैठकबाट अर्थमन्त्रीको कार्यसूची नहटेसम्म संसद अवरोध गर्ने नेकपा एमालेले जनाएको छ।

यसअघि पनि बजेट निर्माणका क्रममा अर्थ मन्त्रालयमा अनधिकृत व्यक्ति संलग्न गराएको भन्दै संसदीय छानबिन समिति गठन गर्नुपर्ने माग सहित प्रमुख प्रतिपक्षी दल एमालेले संसद बैठक अवरुद्ध गरेको थियो ।