ग्लोबल आईएमई बैंक र बैंक अफ काठमाडौंबीच मर्जर सम्झौताका लागि प्रारम्भिक समझदारी पत्रमा हस्ताक्षर भएको छ।

ग्लोबल आइएमई बैंकको तर्फबाट बैंकका अध्यक्ष चन्द्रप्रसाद ढकाल तथा बैंक अफ काठमाण्डू लिमिटेडका तर्फबाट बैंकका अध्यक्ष प्रकाश श्रेष्ठले प्रारम्भिक समझदारी पत्रमा हस्ताक्षर गर्दै ग्लोबल आईएमई बैंक र बैंक अफ काठमाडौंबीचको मर्जर सम्झौतालाई अगाडि बढाएका छन्।

सम्झौताअनुसार मर्जरपछि बैंकको नाम ग्लोबल आईएमई बीओके बैंक लिमिडेट रहने बताइएको छ । हालको लागि १ः१ को स्वाप रेसियो कायम गर्ने प्रारम्भिक समझदारी भएपनि यसबारेमा थप अध्ययन र छलफल हुने पनि बताइएको छ। मर्जरपछि बन्ने ग्लोबल आईएमई बीओके बैंकको अध्यक्ष र सीईओ भने ग्लोबल आईएमई बैंककै रहनेगरि प्रारम्भिक सम्झौता भएको छ ।

मर्जरपछि बैंकको कूल पूँजी रु. ५२.२९ अर्ब र चुक्ता पूँजी रु. ३४.४१ अर्ब हुनेछ।
चुक्ता पूँजी तथा व्यवसायको आकारको हिसाबले ग्लोबल आईएमई बीओके बैंक नेपालको सबै भन्दा ठूलो बैंक हुनेछ ।