निर्वाचन आयोगले आगामी प्रतिनिधिसभा र प्रदेशसभा सदस्य निर्वाचनलाई लक्षित गरी आजदेखि देशभर मतदाता नामावली सङ्कलन कार्य सुरु गर्दैछ ।

निर्वाचन आयोगले ७७ वटै निर्वाचन कार्यालय, जिल्ला प्रशासन कार्यालय र इलाका प्रशासन कार्यालयबाट मतदाता नामावली संकलन कार्य सुरु गरिने जनाएको छ।

यो अवधिमा आफ्नो मतदाता नामावलीमा कुनै त्रुटी भएको खण्डमा सच्याउन सकिने र आफुलाई पायक पर्ने स्थानमा मतदाता नामावली स्थानान्तरण गर्न सकिने पनि आयोगले बताएको छ। काम वा अन्य कुनै कारण आफ्नो स्थायी ठेगानाभन्दा अन्यत्र अस्थायी रुपमा बसोबास गरेकाहरुले पनि आफू बसेकै स्थानबाट मतदाता नामावलीमा आफ्नो नाम दर्ता गराउन सक्ने आयोगले जनाएको छ।