बजेट निर्माणका क्रममा अर्थ मन्त्रालयमा अनधिकृत व्यक्ति संलग्न गराएको भन्ने विषयमा अर्थमन्त्री जनार्दन शर्माको स्पष्टीकरण चित्त बुझ्दो नभएको भन्दै सो विषयमा संसदीय छानबिन समिति गठन गर्नुपर्ने माग सहित प्रमुख प्रतिपक्षी दल एमालेले प्रतिनिधिसभाको आजको संसद बैठक अवरुद्ध गरेको छ ।

अर्थमन्त्री शर्माले भने,बजेट निर्माणका क्रममा अनधिकृत व्यक्ति संलग्न गराएको भन्ने कुरा झुटा र कपोलकल्पित रहेको भन्दै समाचार आएका विषयको खण्डन गर्नुभएको थियो। अर्थमन्त्री शर्माले अर्थ मन्त्रालयका सचिव र राजस्व सचिव नेतृत्वका समितिले नै बजेट तर्जुमा गरेको र आफुले पनि प्राप्त जिम्मेवारीअनुसार काम गरेको भन्दै स्पष्टिकरण दिनुभएको थियो।

यता एमालेका प्रमुख सचेतक विशाल भट्टराईले भने,अर्थमन्त्री शर्मामाथि छानबिन समितिको माग गर्दै संसदीय समिति गठन नभएसम्म संसद चल्न नदिने जानकारी दिनुभएको छ।