भूकम्पले क्षतिग्रस्त काठमाडौंको त्रिचन्द्र कलेज पुनर्निर्माणको माग गर्दै कलेजका विद्यार्थीहरु आज कलेज अगाडिको सडकमा प्रदर्शनमा उत्रिएका छन् ।

लामो समयदेखि जीर्ण कलेजको भवन पुनर्निर्माण र स्तरोन्नति हुन नसकेको विरोधमा मंगलबार कलेज अगाडि विद्यार्थीहरु जम्मा भएर सरकार विरुद्ध प्रदर्शनमा उत्रिएका हुन्। ठाउँ-ठाउँमा भिउ टावर बनाउन सक्नेले एतिहासिक महत्व बोकेको कलेज जस्तो संवेदनशील क्षेत्रलाई वेवास्ता गरेको भन्दै विद्यार्थीहरुले सरकारको आलोचना गरेका छन्।

विद्यार्थीले कलेज अगाडिको सडकमा आधा घण्टासम्म किताब पढेर विरोध गरेका थिए । विरोध प्रदर्शनको क्रममा उनीहरुले ‘त्रिचन्द्र बचाउ, घण्टाघर बचाउ’, ‘इतिहास ढल्दै छ, सरकार मौन’ जस्ता नारा लेखिएका ब्यानर प्रदर्शन गरेका थिए।