शनिबार दिउँसो ककनी गाउँपालिका– ७ अन्तर्गत पर्ने त्रिशुली मातातीर्थ प्रशारण लाइनको तारमा चढेका नुवाकोट बेलकोटगढी नगरपालिका–१२ का माइला विकलाई उद्धार गर्न ऊर्जा, जलस्रोत तथा सिंचाइ मन्त्री पम्फा भुसालले नेपाली सेनालाई आग्रह गर्नुभएको छ।

माइला विक प्रशारण लाइनमा चढेपछि प्राधिकरणले त्रिशुली थ्री ए र नजिकका अरु विधुत गृहबाट उत्पादन बन्द गर्दै सो प्रशारण लाइनमा विधुत प्रवाह रोकेको थियो ।

प्रहरी र स्थानीय वासिन्दाले प्रयास गर्दा पनि उनी तल ओर्लन नमानेपछि हेलिकप्टरबाट भएपनि ती व्यक्तिको उद्धार गर्न नेपाली सेनालाई निर्देशन दिइएको हो।