थाइल्याण्ड ,गाँजा तथा भाङ उत्पादनलाई कानुनी मान्यता दिने एसियाकै पहिलो देश बनेको छ।
थाई स्वास्थ्य मन्त्री अनुटिन चार्नविराकुलले अर्थतन्त्रलाई बढावा दिने अपेक्षा अनुरुप गाँजा तथा भाङ उत्पादनलाई कानुनी मान्यता दिएको बताएका छन् । यधपी मनोरञ्जनका लागि नशाको रुपमा प्रयोग भने गैरकानूनी रहेको उनले बताएका छन्।
गाँजा र गाँजाजन्य उत्पादनहरू उब्जाउन र व्यापार गर्नु , वा रोगहरूको उपचार गर्न बोटको अंशहरू प्रयोग गर्नु अब उपरान्त कुनै अपराध वा गैरकानुनी नहुने बताइएको छ । क्याफे र रेस्टुरेन्टहरूले गाँजा प्रयोग गरिएका खाना र पेय पदार्थहरू पनि उपलब्ध गराउन सक्छन्, तर उत्पादनहरूमा ०.२% भन्दा कम टेट्राहाइड्रोकानाबिनोल (THC-बोटको मुख्य साइकोएक्टिभ कम्पाउन्ड) ,हुनेपर्ने बताइएको छ।
अनुटिनले गाँजा उद्योगले कृषिलाई बढावा दिएर अरबौं डलर आम्दानी गर्ने भन्दै
कृषि मन्त्रालयसँग मिलेर देशभरका घरपरिवारमा १० लाख नि:शुल्क गाँजाका बिरुवाहरू वितरण गर्ने पनि बताएका छन्।
आफ्नो प्रतिक्रिया दिनुहोस्