भारतविरुद्ध बदला लिने अल-कायदाको चेतावनी

  • नेपाल राष्ट्रिय दैनिक
  • २५ जेष्ठ २०७९, बुधबार १५:००
Flag of Jihad. al queda

भारतीय जनता पार्टी (भाजपा)की प्रवक्ता नुपुर शर्माले पैगम्बर मुहम्मदको बारेमा गरेको टिप्पणीको जवाफमा आतंकवादी समूह अल-कायदाले आत्मघाती हमला गर्ने धम्की दिएको छ।

एक पत्र जारी गर्दै अल-कायदाले दिल्ली, मुम्बई, उत्तर प्रदेश र गुजरात राज्यहरूलाई निशाना बनाइने जनाएको छ । समूहले आत्मघाती बम प्रयोग गर्ने र हिन्दू राजनीतिज्ञहरूलाई आक्रमण गर्ने बताएको छ।

मे २६ मा शर्माले एक टिभि बहसमा पैगम्बर मुहम्मदको बारेमा व्यक्त गरेको कुराहरु भाइरल बनेपछि धेरै मुस्लिम देशहरूले उनको निन्दा गरेका छन् ।शर्माले पछि ट्विटरमा माफी माग्दै आफूले कहिल्यै कसैको धार्मिक आस्थाको अपमान गर्न नचाहेको बताएकी थीइन।

यद्यपि, उनको माफीले मुस्लिम क्रोधलाई शान्त पार्न असफल भयो, जुन आज भारतभन्दा बाहिर समेत फैलिएको छ। आज सम्म, इन्डोनेसिया, यूएई, माल्दिभ्स, जोर्डन, बहराइन, लिबिया, कतार, कुवेत, इरान, साउदी अरेबिया, ओमान र अफगानिस्तान सबैले शर्माको टिप्पणीको बारेमा आधिकारिक गुनासो दर्ता गरेका छन्।

RT बाट अनुवादित अंश

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५