आज बसेको मन्त्रिपरिषद बैठकले यसघि आइतबारको दिन सार्वजनिक बिदा दिने सरकारको निर्णय खारेज गरेको छ। उक्त निर्णय आगामी असार १ गतेदेखि लागू हुनेछ।

इन्धन खपत कम गर्न भन्दै वैशाख २६ गतेको मन्त्रिपरिषद बैठकले आइतबार पनि सार्वजनिक बिदा दिने भनि गरेको निर्णय आजको मन्त्रिपरिषद बैठकले खारेज गरेको छ । जेठ १ गतेदेखि कार्यान्वयनमा आएको उक्त निर्णय जेठको अन्तिम दिन खारेज हुने भएको छ। । हप्तामा दुई दिन बिदा दिने निर्णय व्यवहारिक नभएको भन्दै सरकारको आलोचना भइरहेको बेला आजको मन्त्रिपरिषद बैठकले उक्त निर्णय गरेको हो।

यसैबीच हप्तामा दुई दिन बिदा दिने निर्णयको विरुद्ध अधिवक्ता रामबहादुर शाही, तेजकुमार लोहिया, सन्तोष भण्डारी र त्रिलोकबहादुर चन्दले आज नै सर्वोच्चमा रिट समेत दायर गरेका थिए ।