निर्वाचन आयोगले असार १ गते देखि मतदाता नामावली संकलन गर्ने भएको छ ।

निर्वाचन आयोगले मतदाता नामावली संकलन तथा अद्यावधिक गर्ने काम असार १ गते देखि सञ्चालन गर्ने जानकारी दिएको छ ।१८ वर्ष उमेर पुगेका र मतदाता नामावलीमा नाम छुट भएका नेपाली नागरिकले प्रदेश तथा जिल्ला निर्वाचन कार्यालय, जिल्ला प्रशासन कार्यालय र इलाका प्रशासन कार्यालयमा फोटो सहितको नामावली दर्ता गराउन सकिने आयोगले जनाएको छ।

यसैबीच निर्वाचन आयोगले मतदाता नामावली विवरणमा रहेको त्रुटि सच्याउन, ठेगाना परिवर्तन गर्न, मतदान स्थल परिवर्तन गर्न पनि सम्बन्धित निर्वाचन कार्यालयमा निवेदन दिन सकिने जनाएको छ ।