नयाँ मन्त्रि नियुक्ति प्रक्रिया स्थगित: पुरानैलाई थमौती

  • नेपाल राष्ट्रिय दैनिक
  • २३ जेष्ठ २०७९, सोमबार १३:२५
ministers

नेकपा एकीकृत समाजवादी पार्टीबाट पुराना मन्त्रीहरु फिर्ता बोलाउने र नयाँ मन्त्रि नियुक्त गर्ने निर्णय कार्यान्वयन नहुने भएको छ। प्रधानमन्त्री शेरबहादुर देउवाले छोटो समयका लागि मन्त्री हेरफेर गर्न नहुने बताएपछि तत्कालका लागि नयाँ मन्त्रीहरु नियुक्ति गर्ने एकीकृत समाजवादीको निर्णय कार्यन्वयन हुन सकेन।

नेकपा एकीकृत समाजवादीको हिजो बसेको सचिवालय बैठकले संस्कृति, पर्यटन तथा नागरिक उड्डयन मन्त्रीको रुपमा जीवनराम श्रेष्ठ, सहरी विकास मन्त्रीको रुपमा मेटमणि चौधरी, स्वास्थ्य तथा जनसंख्यामा भवानी खापुङ, श्रम, रोजगार तथा सामाजिक सुरक्षा मन्त्रीको रुपमा शेरबहादुर कुँवर र हीरा केसीलाई स्वास्थ्य तथा जनसंख्या राज्यमन्त्रीको रुपमा सिफारिस गर्ने निर्णय गरेको थियो ।

मन्त्री हेरफेरको विषयमा आन्तरिक विवाद भएपछि प्रधानमन्त्री शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड र एकीकृत समाजवादी पार्टीका अध्यक्ष माधवकुमार नेपालबीच आज बिहान बालुवाटारमा छलफल भएको थियो।आज नै नयाँ मन्त्रीहरुको सपथ ग्रहण गराउने हल्ला चलिरहेको बेला प्रधानमन्त्री देउवाले भने केही समयका लागि मन्त्रिमण्डल हेरफेर गर्न नहुने बताएपछि प्रक्रिया अगाडी नबढाइएको जानकारी प्राप्त भएको छ।

यसैबीच प्रधानमन्त्री शेरबहादुर देउवाले शहरी विकासमन्त्री रामकुमारी झाँक्री, स्वास्थ्य तथा जनसंख्यामन्त्री विरोध खतिवडा, श्रम मन्त्री किसान श्रेष्ठ र पर्यटनमन्त्री प्रेम आलेलाई बालुवाटारमा बोलाएर उच्च मनोबलका साथ काम गर्न निर्देशन समेत दिनुभएको छ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५