विश्व वातावरण दिवस २०२२ आज देशभर विभिन्न कार्यक्रम गरि मनाइएको छ। विश्व वातावरण दिवसकै अवसर पारेर भरतपुर महानगरपालिका २८ अन्तर्गत पर्ने श्री आधारभूत विद्यालय अन्द्र्यौली र श्री आधारभूत विद्यालय सिसाबासमा बगैंचा निर्माण तथा विद्यार्थी अभिमुखीकरण कार्यक्रम गरिएको छ।

भरतपुर महानगपालिकाको सप्ताहव्यापी कार्यक्रम अन्तर्गत बेटर चितवनको नेतृत्वमा गरिएको सो कार्यक्रममा विधार्थीहरु आँफैले विद्यालय परिसरमा विभिन्न प्रजातिका फूलका बिरुवाहरू रोपेर वातावरण दिवस मनाएका थिए ।

कार्यक्रममा नेपाल विकास समाजको तर्फबाट कार्यक्रम संयोजक ई. सागर कार्कीले विद्यार्थीहरुलाई वातावरण दिवस र फोहोर व्यवस्थापन विषयमा बालमैत्री अभ्यास समेत गराउनुभएको थियो । ‘पृथ्वीको संरक्षण: दिगो प्रकृतिमैत्री जीवनयापन’ भन्ने नाराका साथ देश भरी नै मनाइएको विश्व वातावरण दिवस २०२२ को विश्वब्यापी नारा भने ‘केवल एउटै पृथ्वी’ रहेको छ, जसले पृथ्वीलाई सुरक्षित राख्न सबैजना सहकार्य गरेर अघि बढ्नुपर्ने संदेश दिएको छ।