नेकपा (एकीकृत समाजवादी)ले सरकारमा रहेका मन्त्रीहरुलाई फिर्ता बोलाएर नयाँ मन्त्रीहरुलाई नियुक्ति गरि सरकारमा पठाउने निर्णय गरेको छ ।
आज बसेको पार्टीको सचिवालय बैठकले सरकारमा रहेका पुराना मन्त्रीहरुलाई फिर्ता बोलाउने र नयाँ मन्त्रि नियुक्ति गरेर सरकारमा पठाउने निर्णय गरेको हो।
एकीकृत समाजवादीका सचिवालय सदस्यका अनुसार नयाँ नियुक्तिको लागि जीवनराम श्रेष्ठलाई संस्कृति, पर्यटन तथा नागरिक उड्डयनमा ,मेटमणि चौधरीलाई सहरी विकासमा र शेरबहादुर कुँवरलाई श्रम तथा रोजगारमन्त्रीमा सिफारिस गर्ने निर्णय भएको छ ।
स्वास्थ्य तथा जनसंख्या राज्यमन्त्री रहेका भवानी खापुङलाई भने मन्त्रीमा बढुवा गरिएको छ । स्वास्थ्य राज्यमन्त्रीमा हिरा केसीलाई पठाउने निर्णय भएको एकीकृत समाजवादीले जनाएको छ ।
एकीकृत समाजवादीले पर्यटनमन्त्री प्रेमबहादुर आले, स्वास्थ्य मन्त्री विरोध खतिवडा, सहरी विकासमन्त्री रामकुमारी झाँक्री र श्रममन्त्री कृष्णकुमार श्रेष्ठलाई फिर्ता बोलाउने निर्णय गरेको छ ।
आफ्नो प्रतिक्रिया दिनुहोस्