मधेस प्रदेश प्रदेशसभाको नवौँ अधिवेशन आजदेखि सुरु हुँदैछ। छलफलका लागि दिउँसो १ बजे बैठक आहवान गरिएको प्रदेशसभा सचिवालयले जनाएको छ।

बैठकमा प्रदेश प्रमुख कार्यालयबाट प्राप्त नवौँ अधिबेशन आह्वानसम्बन्धी पत्र सभामुखले बाचन गरी सुनाउने, विभिन्न पार्टीका संसदीय दलका नेताले मनतव्य राख्ने, प्रदेशसभा सदस्य डिम्पलकुमारी झाको शोकप्रस्ताव पेश गर्ने र आर्थिक वर्ष २०७९/८० को नीति तथा कार्यक्रम र बजेट सम्बन्धि छलफल गर्ने कार्यसूची रहेको प्रदेशसभा सचिवालयले जनाएको छ।

प्रदेशसभा बैठकमा प्रदेश प्रमुख हरिशङ्कर मिश्रले प्रदेश सरकारको नीति तथा कार्यक्रम प्रस्तुत गर्ने कार्यक्रम रहेको छ। प्रदेश सरकारले आगामी असार १ गते प्रदेशसभामा बजेट पेश गर्नुपर्ने संवैधानिक व्यवस्था छ ।