रुसको प्राकृतिक ग्यास उत्पादन कम्पनि ग्याज्प्रोमले डेनमार्कको सबैभन्दा ठुलो ग्यासको थोक विक्रेता कम्पनि ओरस्टेडलाई ग्यास आपूर्ति बन्द गरिदिएको छ। ओरस्टेडले रुबलमा भुक्तान गर्न अस्वीकार गरेपछि ग्याज्प्रोमले ग्यास आपूर्ति बन्द गरिदिएको हो। ग्याज्प्रोमले जर्मनीको शेल इनर्जी यूरोप लिमिटेडलाई पनि यही कारणले ग्यासको आपूर्ति बन्द गरिदिएको छ।

रूसको नयाँ भुक्तानी प्रणाली अन्तर्गत रूसको मित्र राष्ट्र बाहेकका देशहरुले रुसी ग्यासको खरिदमा रुबलमा भुक्तान गर्नुपर्नेछ। रुस युक्रेन युद्धकोबिच पश्चिमी राष्ट्रहरुले रुसप्रति लगाएको आर्थिक नाकाबन्दीको प्रतिकृया स्वरुप रुसले यो कदम चालेको थियो।
रुबलमा भुक्तान गर्न नमानेपछि रुसी उर्जा कम्पनीले केहि समय अघि मात्रै बुल्गेरिया, पोल्याण्ड, फिनल्याण्ड र नेदरल्याण्डमा पनि ग्यास आपूर्ति बन्द गरिदिएको थियो। यो बीच करिब दुई दर्जन युरोपेली कम्पनीहरुले भने रुबल भुक्तानी गरेर ग्यास आयात गरिरहेका छन्