अमेरिकी राष्ट्रपति बाइडेनले युक्रेनमा थप उन्नत र लामो दुरीसम्म प्रहार गर्नसक्ने रकेट पठाउने घोषणा गरेका छन्। यो सहायताले रूस बिरूद्ध कीभको वार्ताको स्थितिलाई बलियो बनाउने र कूटनीतिक समाधानको सम्भावनालाई अझ बलियो बनाउने राष्ट्रपति बाइडेनले बताएका छन्।

अमेरिकाले अहिले उपलब्ध गराउने हतियारहरूले लामो दूरीबाट शत्रु सेनाहरूलाई अझ सटीक रूपमा प्रहार गर्न मद्दत गर्ने बताइएको छ। नयाँ हतियारहरूमा एम१४२ हाई मोबिलिटी आर्टिलरी रकेट प्रणाली (HIMARS) समावेश हुनेछ। यो रकेटले ७० किलोमिटर टाढाको लक्ष्यमा धेरै सटीक-निर्देशित मिसाइलहरू प्रक्षेपण गर्न सक्नेछन्
फेब्रुअरीमा आक्रमण सुरु भएदेखि युक्रेनका लागि अमेरिकाले स्वीकृत गरेको ११औं सैन्य सहायता प्याकेजमा हेलिकप्टर, एन्टी ट्याङ्क मिसाइल , रणनीतिक सवारी साधन र स्पेयर पार्ट्स समेत समावेश गरिने छ।
यता, रुसी विदेशमन्त्री सर्गेई लाभरोभले पश्चिमले युक्रेनी राष्ट्रवादीहरूलाई रसिया विरुद्ध हतियारहरू सहयोग गरेको आरोप लगाउंदै, यो रुस विरुद्धको अमेरिकी रणनीति भएको बताएका छन्।