सरकारले मेलम्ची खानेपानी आयोजनाको सुरुङको मूल ढोका बन्द गरेसँगै काठमाडौंमा मेलम्चीबाट पानी आउन बन्द हुने भएको छ ।

वर्षायाम सुरु भएको कारण सुरुङको ढोका बन्द गर्नुपरेको मेलम्ची खानेपानी विकास समितिले बताएको छ। सिन्धुपाल्चोकस्थित बाँधस्थलमा अस्थायी संरचना तयार गरेर काठमाडौंमा पुनः मेलम्चीको पानी वितरण सुरु गरिएको भएपनि वर्षायाममा सुरुङमा हुनसक्ने जोखिमलाई ध्यान दिएर सुरुङ बन्द गरिएको बताइएको छ।
नियमित बर्षा रोकिएपछि फेरि मेलम्चीको पानी सुरुङमा हाल्ने र काठमाडौं ल्याएर वितरण थाल्ने गरि सुरुङ्गको मूल ढोका बन्द गरिएको मेलम्चीको पानि अब कार्तिकबाट मात्र वितरण गरिने आयोजना समितिले जानकारी दिएको छ।

मेलम्चीको तटीय क्षेत्रमा अझै पहिरोको जोखिम छ भने लेदोसहितको बाढीको जोखिम टरेको छैन । त्यसैले मनसुन सक्रिय भएपछि मेलम्चीको पानी काठमाडौं ल्याउन नसकिएको बताउँछन् ।

२०७८ सालमा आएको बाढीले आयोजना क्षतिग्रस्त भएको कारण सोहि अवस्था र जोखिम दोहोरिन सक्ने अनुमान गर्दै आयोजनाले मेलम्चिको मूल गेटनै बन्द गरेर कार्तिकसम्म पानि वितरण नगर्ने योजना अघि सारेको हो।