युरोपेली संघका नेताहरूले युक्रेनलाई मद्दत गर्ने विषयमा केन्द्रित शिखर सम्मेलनमा वर्षको अन्त्यसम्म युरोपेली ब्लकमा अधिकांश रूसी तेल आयातमा प्रतिबन्ध लगाउन सहमति जनाएका छन्।

यो सम्झौताले रुसबाट आयात हुने तेलको दुई तिहाइभन्दा बढी भाग समेट्ने बताइएको छ । ईयूको यो सहमतिले वर्षको अन्त्यसम्म करिब ९०% तेल आयातलाई प्रभावकारी रूपमा कटौती गर्ने अनुमान गरिएको छ।

युक्रेनको अर्थतन्त्रलाई समर्थन गर्न ९ बिलियन यूरो सहयोग प्रदान गर्न पनि सहमती भएको छ । यो सहयोगको रकम भने अनुदान वा ऋण के हुने भन्ने कुरा भने स्पष्ट पारिएको छैन।
युरोपेली संघले रुसमाथि लगाएको यो छैठौँ प्रतिबन्ध हो। यसअघि पनि रसियामाथि अमेरिका र युरोपले विभिन्न प्रतिबन्धहरु लगाउँदै आएका थिए।