पोखराबाट बिहान ९ बजेर ५५ मिनेटमा जोमसोमका लागि उडेको तारा एयरको विमान सम्पर्कविहीन भएको छ ।

९ एन अल्फा इको ट्यांगो कल साइन भएको जहाज लेते पाससम्म पुग्दा पोखरा विमानस्थलको टावरसँग सम्पर्कमा रहेको र त्यसपछि एकाएक सम्पर्कविहीन भएको जानकारी प्राप्त भएको छ । जहाज सम्पर्कविहीन भएपछि खोजी कार्यको लागि मुस्ताङ र पोखराबाट दुई वटा निजी हेलिकोप्टर प्रयोग गरिएको छ र नेपाली सेनाको हेलिकोप्टरलाई पनि खोजी कार्यमा प्रयोग गर्ने तयारी भइरहेको छ ।

जहाजमा १३ नेपाली, ४ भारतीयसहित २ अन्य देशका नागरिक र चालक दलका ३ जना सदस्य रहेको बताइएको छ ।