नेपाल राष्ट्र बैंकले शुक्रबार चालु आर्थिक वर्ष २०२१/२२ को मौद्रिक नीतिको समीक्षा गर्दै बढ्दो स्रोतको खाडल र विदेशी विनिमय सञ्चितिमा आएको संकुचनका कारण बैंकिङ प्रणालीमा तरलताको समस्या गहिरिएको र एकातिर ब्याजदरमा परेको दबाबमा र अर्कोतर्फ बाह्य क्षेत्रको स्थायित्व कायम गर्न पनि मौद्रिक नीतिलाई थप कडाइ गर्नुपर्ने राष्ट्र बैंकले जनाएको छ।

राष्ट्र बैंकले कोभिड–१९ महामारीबाट प्रभावित उद्योग–व्यवसायलाई पुनरुत्थान गर्न, आन्तरिक तथा बाह्य क्षेत्रमा ब्याजदर घटाउने र समष्टिगत आर्थिक स्थायित्व कायम गर्न प्रदान गर्ने पुनर्कर्जा सुविधालाई सीमित गर्ने विद्यमान नीतिलाई निरन्तरता दिने र मुद्रास्फीति र विदेशी मुद्रा सञ्चितिमा दबाब आएमा मौद्रिक नीतिको नीतिगत निर्देशनलाई थप कडाइ गरिने राष्ट्र बैंकले जनाएको छ ।

त्यसैगरी मुद्रास्फीति र बाह्य क्षेत्रको स्थायित्वलाई ध्यानमा राखी उत्पादनशील क्षेत्र, साना तथा मझौला उद्योगमा वित्तीय श्रोतको प्रवाह बढाउन र आन्तरिक उत्पादन वृद्धि र निर्यात प्रवर्द्धनमा जोड दिइएको छ ।बाह्य क्षेत्रमा चालु खाता र भुक्तानी सन्तुलन घाटा बढेको छ भने विदेशी मुद्रा सञ्चितिको आयात सपोर्ट गर्ने क्षमता घटेको छ । केन्द्रीय तथ्याङ्क विभागले आर्थिक वर्ष २०२१/२२ मा कुल गार्हस्थ्य उत्पादन ५ दशमलव ८४ प्रतिशतले बढेको अनुमान गरेको छ ।

आर्थिक वर्ष २०२१/२२ मा कुल गार्हस्थ्य उत्पादनमा कुल उपभोगको अंश ९०.७३ प्रतिशत रहने अनुमान गरिएको छ । यस्तो उपभोग अघिल्लो वर्षको ७.७ प्रतिशतको तुलनामा चालु आर्थिक वर्षमा ११.५ प्रतिशतले बढ्ने अनुमान गरिएको छ ।

सरकारले सार्वजनिक गरेको मौद्रिक नीतिको पूर्णपाठ।