नेकपा एमालेका अध्यक्ष केपी शर्मा ओलीले सरकारको नीति तथा कार्यक्रममा गरेको टिप्पणीप्रति उद्योग वाणिज्य तथा आपूर्तिमन्त्री दिलेन्द्रप्रसाद बडूले स्तरहीन भनेपछि नेकपा एमालेले संसद अवरुद्ध गरेको छ ।

मन्त्री बडूले नेता केपी शर्मा ओलीले नीति तथा कार्यक्रममाथि छलफलका क्रममा दिएको अभिव्यक्तिलाई स्तरहीन भनेको र ‘आफू प्रधानमन्त्री हुँदा कमिसनको चास्नीमा रमाएको अवस्थामा सत्ता गुमाउन पुगेकाले कमिसन बाहेक के नै देख्नसक्छ र’ भन्ने अभिव्यक्ति दिए पछि नेकपा एमालेका सांसदहरुले सदन अवरुद्ध गरेका हुन्।

नेकपा एमालेका प्रमुख सचेतक विशाल भट्टराईले सो अभिव्यक्तिलाई रेकर्डबाट हटाउनुपर्ने पनि माग गर्नुभएको छ । साथै , प्रमुख प्रतिपक्षी दल नेकपा एमालेले आरोप पुष्टि नभएसम्म संसद चल्न नदिने र आरोप पुष्टि गर्न संसदीय छानबिन समिति बनाउन पनि चुनौती दिएको छ। एमालेको अवरोध पछि अहिले संसद बैठक स्थगित गरिएको छ।