काठमाडौं महानगरपालिकाका नवनिर्वाचित मेयर बालेन्द्र शाहले काठमाडौं महानगरपालिकाका मतदाता आफ्नो परिवार भएको र काठमाडौंलाई सुन्दर सहर बनाउन सबैको सहयोग आवश्यक रहेको बताउनुभएको छ।
निर्वाचन आयोगले अन्तिम नतिजा सार्वजनिक गरे लगत्तै उहाँले सो कुरा बताउनुभएको हो। शाहका समर्थकहरुले विजय उत्सव सहित र्याली निकालेका छन् ।
काठमाडौं महानगरपालिकाको मेयरमा स्वतन्त्र उम्मेदवारको रुपमा चुनावमा उत्रिएका बालेन्द्र शाहले ६१ हजार ७६७ मत प्राप्त गर्दै विजयी हुँदा उहाँका निकटतम प्रतिद्वन्द्वी नेपाली कांग्रेसकी उम्मेदवार सिर्जना सिंहले ३८ हजार ३ सय ४१ मत र नेकपा एमालेका उम्मेदवार केशव स्थापित ३८ हजार ११७ मत प्राप्त गर्नुभएको थियो।
आफ्नो प्रतिक्रिया दिनुहोस्